Xitay köchmenlirining parizhdiki namayishi xitayning Uyghur diyaridiki yuqiri bésimliq siyasitige so'al qoymaqta

Muxbirimiz qutlan
2017-04-03
Élxet
Pikir
Share
Print

Firansiye paytexti parizhda bir neper xitay gumandarning saqchilar teripidin étip öltürülüshi firansiyediki xitay köchmenlirining kolléktip naraziliqini keltürüp chiqarghan.

Yekshenbe küni 6 mingdek xitay parizhda yighilip, naraziliq namayishi ötküzgen.

Firansiye da'irilirining bildürüshiche, lyu shawyo isimlik 56 yashliq xitay saqchigha pichaq bilen hujum qilghanda étip öltürülgen iken.

Béyjing da'iriliri bu weqege inkas qayturup: "Firansiyediki junggo grazhdanlirining qanuniy heq-hoquqlirigha kapaletlik qilish" ni telep qilghan.

Igilinishiche, parizhda texminen 300 minggha qeder xitay yashawatqan bolup, naraziliq namayishi teshkilligen xitaylarning saqchilargha tuxum, botulka we méwe bilen hujum qilghanliqi melum. Weziyetni kontrol qilish üchün saqchilar axirida yash aqquzush bombisi ishlitip, ularni tarqaqlashturghan.

Uyghur közetküchiler, parizhda saqchigha pichaq bilen hujum qilghan bir xitay étip öltürülgende firansiyediki minglighan xitaylarning naraziliq namayishi ötküzgenlikini, hetta béyjing da'irilirining firansiyege bésim ishletkenlikini, halbuki, "5-Iyul weqesi" din buyan Uyghur diyarida öltürülgen yaki iz-déreksiz ghayib bolghan shunche köp Uyghur heqqide xitayning izchil türde axbaratni qamal qilip kelgenlikini sélishturma qilmaqta.

Toluq bet