Uyghur diyaridiki ikki uniwérsitétta pars we ordu tili kespi tesis qilin'ghan

Muxbirimiz ümidwar
2017-03-26
Share


Xitay döletlik ma'arip ministirliqi bu yil Uyghur diyaridiki 13 aliy mektepning yéngidin 38 kesip köpeytishige qoshulghan bolup, bularning terkibidin pars tili we ordu tili kesiplirimu orun alghan iken.

Shinxu'a agéntliqining uchurliridin melum bolushiche, pars tili we ordu tili kesiplirini ishlepchiqirish qurulush armiyisi bashqurushidiki shixenze uniwérsitéti bilen ürümchidiki shinjang pédagogika uniwérsitétining tesis qilishigha ruxset qilin'ghan bolup, pars tili kespi shixenze uniwérsitétida tesis qilin'ghan.

Mezkur uniwérsitétning bu ishqa mes'ul xadimi hazir pütün xitay boyiche peqet 6 uniwérsitétta pars tili kespi barliqi we pars tili xadimining 500 etrapida ikenliki, emma Uyghur rayonining yipek yoli iqtisadiy belwéghidiki pars tilliq döletler bilen soda-iqtisadiy, pen-téxnika, yéza igilik, pul-mu'amile we medeniyet alaqiliri élip bérishi üchün paris tili xadimlirigha mohtaj ikenlikini körsetken.

Ordu tiliningmu Uyghur rayonning pakistan bilen bolghan alaqiliride, bolupmu iqtisadiy karidor üchün nahayiti zörürlüki tekitlen'gen. Nöwette, xitayning paris we ordu tilliri xadimlirigha bolghan éhtiyajining éshiwatqanliqi melum bolmaqta.

Ordu tili kespi shinjang pédagogika uniwérsitétida tesis qilin'ghan bolup, emma yuqiriqi bu ikki til kespige asasliqi qaysi millettin köprek oqughuchi qobul qilinidighanliqi namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.