Партийәлик кадирларни қайтидин тәрбийәләш курслири гуман қозғимақта

Мухбиримиз әзиз
2020-06-02
Share

Өткән бирнәччә йил мабәйнидә уйғурлар дияридики сиясий бастуруш мәзгилидә "икки йүзлимилик" вә башқа әйибләр билән миңлиған уйғур кадирларниң "тазиланғанлиқи" вә уйғур кадирлар қошуниниң сан җәһәттә равурус азайғанлиқи мәлум болғаниди.

Йеқинда ақсу вилайәтлик һөкүмәтниң бир қисим партийәлик кадирларни вилайәтлик партийә мәктипидә сиясий сәвийә бойичә тәрбийәләшкә орунлаштуруши гуман қозғимақта.

Ақсу ахбарат ториниң 26-майдики хәвиридә ейтилишичә, бу қетим тәрбийәләшкә уюштурулған кадирларниң сиясий йүксәклик еңини өстүрүш, күрәш қилиш иқтидарини ашуруш, мәркизий комитет һавалә қилған бурчни яхши орундаш қатарлиқ нуқтиларға алаһидә зеһин қойидиғанлиқи ейтилиду.

Һалбуки һазирғичә мәлум болған хәвәрләр уйғур диярида бу "муһим нуқтилар" ниң қайси дәриҗидә иҗра болуп кәлгәнликини көрситип кәлмәктә. Уйғурлар диярида һазирқидәк мисли көрүлмигән сиясий вәзийәт яритилған туруқлуқму ашу сиясий контроллуқ тәдбирлириниң йәнила йетәрсиз, дәп қариливатқанлиқи бундин кейинки контроллуқниң қандақ болидиғанлиқи һәққидә әндишилик пикирләргә орун һазирлимақтикән.

Америкадики мустәқил көзәткүчи илшат һәсән бу һәқтә тохтилип; "хитай һөкүмитиниң шунчә бастурушлардин кейинму йәнила сиясий йүксәкликни тәкитлиши уларниң қанхорлуқ тәбиитиниң мәһсули. Бу ‹су ухлиса ухлар, дүшмән ухлимас' дегәндәк алдимиздики вәзипиниң қанчилик еғирлиқидин бешарәт бериду" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт