Partiyelik kadirlarni qaytidin terbiyelesh kursliri guman qozghimaqta

Muxbirimiz eziz
2020-06-02
Share

Ötken birnechche yil mabeynide Uyghurlar diyaridiki siyasiy basturush mezgilide "Ikki yüzlimilik" we bashqa eyibler bilen minglighan Uyghur kadirlarning "Tazilan'ghanliqi" we Uyghur kadirlar qoshunining san jehette rawurus azayghanliqi melum bolghanidi.

Yéqinda aqsu wilayetlik hökümetning bir qisim partiyelik kadirlarni wilayetlik partiye mektipide siyasiy sewiye boyiche terbiyeleshke orunlashturushi guman qozghimaqta.

Aqsu axbarat torining 26-maydiki xewiride éytilishiche, bu qétim terbiyeleshke uyushturulghan kadirlarning siyasiy yükseklik éngini östürüsh, küresh qilish iqtidarini ashurush, merkiziy komitét hawale qilghan burchni yaxshi orundash qatarliq nuqtilargha alahide zéhin qoyidighanliqi éytilidu.

Halbuki hazirghiche melum bolghan xewerler Uyghur diyarida bu "Muhim nuqtilar" ning qaysi derijide ijra bolup kelgenlikini körsitip kelmekte. Uyghurlar diyarida hazirqidek misli körülmigen siyasiy weziyet yaritilghan turuqluqmu ashu siyasiy kontrolluq tedbirlirining yenila yétersiz, dep qariliwatqanliqi bundin kéyinki kontrolluqning qandaq bolidighanliqi heqqide endishilik pikirlerge orun hazirlimaqtiken.

Amérikadiki musteqil közetküchi ilshat hesen bu heqte toxtilip؛ "Xitay hökümitining shunche basturushlardin kéyinmu yenila siyasiy yükseklikni tekitlishi ularning qanxorluq tebi'itining mehsuli. Bu 'su uxlisa uxlar, düshmen uxlimas' dégendek aldimizdiki wezipining qanchilik éghirliqidin bésharet béridu" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet