Ürümchi sheherlik j x idarisi pasport béjirishtiki yéngi belgilimisini élan qilghan

Tengritagh torining xewirige qarighanda, ürümchi sheherlik jama'et xewpsizliki idarisi yéqinda uqturush chiqirip, ürümchi nopusidiki ahalilerning pasport béjirishtiki eng yéngi belgilimisini élan qilghan.

Uningda körsitilishiche, 2015-yili 1-ayning 1-künidin étibaren ürümchi nopusidiki hökümet xizmiti qilmaydighan puqralar, yeni yekke karxanichilar we tijaretchiler hemde ishsizlar pasport almaqchi bolsa, nopusi turushluq saqchixanilargha bérip biwasite iltimas qilsa bolidiken. Hökümet xizmiti qilidighanlar burunqidek chégradin kirip-chiqish idarisining kütüsh zaligha bérip iltimas qilidiken.

Uqturushta yene, pasportqa iltimas qilghuchilarning iltimasini tapshurup 15 xizmet künide ürümchi sheherlik j x idarisidin pasportini alalaydighanliqi ilgiri sürülgen.

Közetküchiler, da'irilerning ilgirimu pasport iltimas qilghuchilargha mushu xildiki belgilimilerni chiqarghanliqini, bu siyasetlerdin xitay puqraliri behrimen bolsimu, lékin Uyghurlargha kelgende uning aqmaydighanliqini tekitlimekte.