Хитай мәркизи һөкүмити уйғур дияриниң пахта баһасида өзгәртиш елип барди

Мухбиримиз үмидвар
2017-03-19
Елхәт
Пикир
Share
Принт


Хитай дөләтлик ислаһат вә тәрәққият комитети уйғур дияриниң пахта мәһсулатлириға қарита йеңидин бир қисим ислаһат елип барған болуп, бу асаслиқи пахта баһасиға аит икән.

Шинхуа торидики бу һәқтики хәвәрдин мәлум болушичә, хитай дөләтлик тәрәққият вә ислаһат комитети биваситә һалда уйғур дияриниң пахтилириға қаритилған илгирики һәр йили бир қетим баһа бекитишни әмәлдин қалдуруп, һәр үч йилда бир қетим нишанлиқ баһа бекитишни қарар қилған һәмдә 2017-йилидин 2019-йилиғичә болған арилиқтики пахтиниң һәр бир тоннисини 18 миң600 йүән қилип бекиткән.

Әгәр үч йил ичидә пахта базирида зор өзгириш йүз бәрсә, дөләт ишлири кабинетниң қошулуши арқилиқ баһада тәңшәш елип берилидикән.

Инкаслардин мәлум болушичә, уйғур дияри хитайниң асаслиқ пахта базисиға айландурулған болуп, пахта базилириниң көпинчиси уйғур дияриниң җәнубиға тарқалған. Көплигән уйғур деһқанлири илгири пахта териш билән шуғулланған болсиму, әмма баһадики тәңпуңсизлиқ түпәйлидин зиян тартиш еғир болған. Униң үстигә қәшқәр қатарлиқ җайларда су қислиқи түпәйлидин уйғур деһқанлириниң пахтизарлиқлириға су йәтмәслик мәсилилири еғир болған.

Хитай мәркизи һөкүмитиниң бу қетимқи уйғур дияриниң пахтичилиқиға аит ислаһатиниң йәрлик деһқанларниң пахта ишләпчиқириш актиплиқиға қандақ тәсир көрситиши һазирчә намәлум.

Пикирләр (0)
Share
Толуқ бәт