Xitay merkizi hökümiti Uyghur diyarining paxta bahasida özgertish élip bardi

Muxbirimiz ümidwar
2017-03-19
Élxet
Pikir
Share
Print


Xitay döletlik islahat we tereqqiyat komitéti Uyghur diyarining paxta mehsulatlirigha qarita yéngidin bir qisim islahat élip barghan bolup, bu asasliqi paxta bahasigha a'it iken.

Shinxu'a toridiki bu heqtiki xewerdin melum bolushiche, xitay döletlik tereqqiyat we islahat komitéti biwasite halda Uyghur diyarining paxtilirigha qaritilghan ilgiriki her yili bir qétim baha békitishni emeldin qaldurup, her üch yilda bir qétim nishanliq baha békitishni qarar qilghan hemde 2017-yilidin 2019-yilighiche bolghan ariliqtiki paxtining her bir tonnisini 18 ming600 yüen qilip békitken.

Eger üch yil ichide paxta bazirida zor özgirish yüz berse, dölet ishliri kabinétning qoshulushi arqiliq bahada tengshesh élip bérilidiken.

Inkaslardin melum bolushiche, Uyghur diyari xitayning asasliq paxta bazisigha aylandurulghan bolup, paxta bazilirining köpinchisi Uyghur diyarining jenubigha tarqalghan. Köpligen Uyghur déhqanliri ilgiri paxta térish bilen shughullan'ghan bolsimu, emma bahadiki tengpungsizliq tüpeylidin ziyan tartish éghir bolghan. Uning üstige qeshqer qatarliq jaylarda su qisliqi tüpeylidin Uyghur déhqanlirining paxtizarliqlirigha su yetmeslik mesililiri éghir bolghan.

Xitay merkizi hökümitining bu qétimqi Uyghur diyarining paxtichiliqigha a'it islahatining yerlik déhqanlarning paxta ishlepchiqirish aktipliqigha qandaq tesir körsitishi hazirche namelum.

Toluq bet