Pelestin we isra'iliye rehberliri xitayda ziyarette bolidu

Muxbirimiz ümidwar
2013-05-05
Share

Pelestin hökümitining re'isi maxmud abbas resmiy ziyaret bilen 5 - may küni béyjinggha yétip keldi.

Xitayning shinxu'a agéntliqining yézishiche maxmud abbasning ziyaret jeryanida, u xitay dölet rehberliri bilen uchriship pelestin - xitay munasiwetliri hemde pelestin mesilisi we bashqa mesililerni muzakire qilidu.

“Niyuyork waqti” gézitining xewer qilishiche, maxmud abbas béyjing ziyariti arqiliq xitayning qollishigha érishishni meqset qilghan bolup, maxmud abbastin bir kün kéyin, yeni 6 - may küni isra'iliye bash ministiri bénjamin nétayaxumu xitayni ziyaret qilidiken.

Pelestin we isra'iliye rehberlirining junggodiki waqitlirida öz'ara uchrishishi mumkinliki heqqide türlük uchurlar bar. Xitay tashqi ishlar bayanatchisi ilgiri isra'iliye we pelestin rehberlirining junggodiki ziyariti jeryanida öz'ara uchrishish ötküzüshni xalisa, uni kéreklik shara'itlar bilen teminleydighanliqini bildürgen idi.

Junggo uzundin buyan pelestin mesilisini hel qilishta aktip awaz küchige ige bolushqa intilgen bolsimu, biraq bundaq salahiyitige téxi ige bolalmighan idi. Nöwette béyjingning ottura sherqte awaz küchige ige döletke aylinish üchün tirishiwatqanliqi tehlil qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet