Xitay da'iriliri perhat xalmuratning ata-anisigha uchur bérishni ret qilghan

Muxbirimiz erkin
2014-01-31
Élxet
Pikir
Share
Print

Xitay amanliq da'iriliri merkizi milletler uniwérsitéti aspéranti perhat xalmuratning ata-anisigha uning ehwali heqqide uchur bérishni ret qilghan.

Perhat xalmurat bu yil 15‏-yanwar béyjing merkizi milletler uniwérsitéti dotsénti ilham toxti bilen oxshash bir künde tutqun qilin'ghan idi. Axbarat wasitiliri uning qalghan 4 neper oqughuchi bilen birge ürümchige élip kétilgenlikini xewer qilghan.

Biraq uning ata-anisi yéqinda yurti künes nahiyisidin béyjinggha oghlini sürüshtürüp kelgen. Ular béyjingdiki mezgilide Uyghur aptonom rayonluq j x nazariti perhat xalmuratni özlirining tutup turuwatqanliqi heqqide uning a'ilisige xet ewetken.

Perhat xalmuratning ata-anisi xetni kötürüp, j x nazariti, ürümchi sheherlik j x idarisi, ürümchidiki barliq türmilerge bérip, oghlining dérikini qilghan bolsimu, biraq ular uning heqqide uchur bérishni ret qilghan.

Béyjing sheherlik j x idarisi we Uyghur aptonom rayonluq j x nazaritining birliship, 15-yanwar ilham toxti we uning 5 oqughuchisini tutqun qilishi xelq'ara inkas qozghighan. Amérika hökümiti, yawropa ittipaqi, d u q, xitay démokratliri we xelq'ara kishilik hoquq teshkilatliri xitayni ilham we uning oqughuchilirini qoyup bérishke chaqirghan. Igilishimizche perhat xalmuratning ata-anisi oghlining héchqandaq dérikini alalmay köneske qaytip ketken.

Toluq bet