Amérika qelemkeshler jem'iyiti xitay hökümitining pikir erkinlikini éghir derijide cheklewatqanliqini bildürdi

Muxbirimiz irade
2018-03-14
Élxet
Pikir
Share
Print

Seyshenbe küni "Amérika qelemkeshler jem'iyiti" xitaydiki pikir we axbarat erkinliki heqqide bir parche doklat élan qildi we xitaydiki pikir we axbarat erkinlikige qaritilghan bésimning shi jinping hakimiyiti dewride eng qattiq derijige yetkenlikini bildürdi.

Doklatta xitay hökümitining barliq yuqiri téxnika imkanliri, yéngi qanun we tüzümlerni ishqa sélish arqiliq xitaydiki öktichi pikirlerning ipade qilinishi, ijtima'iy özgirishlerge bolghan chaqiriqlarni yoqatqanliqi, tor tenqidchilikini jimiqturghanliqini bildürgen.

Bu doklat xitaydiki tor qollan'ghuchiliri, yazghuchilar, pa'aliyetchiler we bashqa kishiler hem shundaqla xitaydiki téxnika shirketlirining xizmetchiliri bilen ularning ismini ashkarilimasliq sherti asasida élip bérilghan ziyaretler netijiside teyyarlan'ghan.

"Amérika qelemkeshler jem'iyiti" doklatida xitay hökümitining "Ösek söz tarqitishqa qarshi turush" dégen bahane bilen heqiqetlerning ashkarilinishini tosuwatqanliqini bildürgen.

Yuqiriqi bu doklat élan qilin'ghan oxshash bir künde, yeni 13-mart seyshenbe küni, Uyghur aptonom rayonluq da'iriler yene 11 kishini tordiki pa'aliyetliri seweblik tutqun qilghan. Uyghur aptonom rayonluq jama'et xewpsizlik nazariti intérnét-uchur bashqurush ishxanisi tarqatqan uqturushtin qarighanda, 7 nepiri Uyghur, 1 nepiri qazaq we üch nepiri xitay bolghan bu kishiler torda "Tetür teshwiqat élip bérish, diniy radikalliq we térrorluq matériyallirini körüsh we tarqitish, milletler ittipaqliqigha zit teshwiqatlarni qilish" dégendek jinayetler bilen tutqun qilin'ghan iken.

Dunya Uyghur qurultiyining bayanatchisi dilshat rishit ependi buninggha inkas qayturup, bundaq heriketlerning Uyghurlarning naraziliqini yenimu ulghaytip, rayon weziyitini téximu ilgiriligen halda jiddiyleshtürüwétidighanliqini bildürdi.

Toluq bet