Хитай хәлқараниң тәнқиди нәтиҗисидә пил чиши импорт қилишни вақитлиқ чәклигән

Хәлқараниң пил чиши содиси мәсилисидә хитайни қаттиқ әйиблиши нәтиҗисидә, хитай даирилири бүгүн пил чиши импорт қилишни вақитлиқ чәклигәнликини елан қилған. Б б с ниң хәвәр қилишичә, хитай истималчилириниң пил чишиға болған юқири тәлипи африқа орманлирида пилларниң қалаймиқан вә вәһшийләрчә овлинишиға сәвәб болған. Хәлқара органлар әгәр мушундақ кетивәрсә, бир қанчә йилға қалмайла африқида пилниң нәсили қуруп кетидиғанлиқини агаһландурған.

Техи йеқинда, мәркизи әнгилийидики “муһит тәкшүрүш оргини” EIA тәшкилати доклат елан қилип, танзанийидики пил қирғинчилиқиға хитай истималчиларниң сәвәб болуватқанлиқини, хитай тиҗарәтчиләр танзанийигә кәлгәндә пил чиши баһасиниң һәссиләп өрләп кетидиғанлиқини билдүргән. Улар доклатида, өзлириниң хитай дөләт рәиси ши җинпиң билән танзанийигә зиярәткә кәлгән өмәкниң кәткүчә тәлвиләрчә пил чиши сетивелип кәткәнликини ениқлап чиққанлиқини билдүргән. Бирақ хитай даирилири мәзкур органниң сөзини рәт қилған иди.

Мутәхәсисиләр, хитайниң пил чиши импорт қилишни чәклиши нәтиҗисидә, африқидики пилларни қалаймиқан овлашниң азийишини үмид қилмақта икән.