2012 - Yili Uyghur élide pilanliq tughut siyasitining qattiq yolgha qoyulghanliqi melum.

Muxbirimiz jüme
2013-12-08
Élxet
Pikir
Share
Print


Xitayning bashqa jaylirida pilanliq tughut siyasitini tengshesh, bir baliliq bolush tüzümini emeldin qaldurush pikri ulghayghan mezgilde, Uyghur élide pilanliq tughut siyasitining yenimu kücheytip yolgha qoyulghanliqi melum.

Yéqinda ürümchide échilghan "Pilanliq tughut sahesining shinjanggha yardem bérish yighini" da ashkarilan'ghan melumatlargha qarighanda, xitay hökümiti Uyghur élidiki pilanliq tughut xizmitini kéngeytip élip bérish üchün 3 milyard yüen ajratqan.

Bu jeryanda, xitayning bashqa jayliridiki pilanliq tughut sahesi Uyghur élidiki yézilarda heriketchan dawalash aptomobili, pilanliq tughut mulazimiti sistémisi qurulush we bashqa asasiy qurulush turliridin jem'iy 3 ming 524 ni wujudqa chiqirilghan.

Xitay da'iriliri ilgiri heriketchan dawalash aptomobillirini yéza - qishlaqlarda Uyghur déhqan ayallirining balisini chüshürüshke ishletken. Bu taziliqi nachar, üsküniliri iptida'iy atalmish dawalash aptomobilliri nurghunlighan ayallarni herxil egeshme késelliklerge muptila qilghan.

Yighinda pilanliq tughut xizmitige bolghan tonushni yene östürüsh, qanun - tüzümlerni igilesh we muhim nuqtini kücheytish tekitlen'gen.

Xitay da'iriliri 2010 - yildiki "Shinjang xizmet yighini" din kéyin 19 xitay ölke - sheherni Uyghur élige yardem bérishke teklip qilghan. Bu atalmish yardemchiler Uyghur élige kélishke bashlighandin kéyin, Uyghur élidiki tebi'iy bayliq menbeliri we yer - zéminlarni igilesh qedimini jiddiy kéngeytip, rayonning ékologiyisi we Uyghur déhqanlirining hayat yolighan éghir tehditlerni élip kelgen idi.

Emma, shundaqtimu xitay hökümiti mezkur siyasetni Uyghurlargha paydiliq qilip körsitip kelmekte.

Toluq bet