Пәйзиваттики бир кәнттә пиланлиқ туғут сиясити бошлуқида 80 чә бала артуқ туғулған

Мухбиримиз шөһрәт һошур
2017-05-17
Share

Мәлум болушичә, хитайниң уйғур районидики пиланлиқ туғут сиясити тәдбирлиридә 2009- вә 2015-йиллири арисида бираз юмшаш болған. Бу пурсәттә пәйзиват наһийисиниң барин йеза биринчи кәнтидинла 80 гә йеқин бала пиландин артуқ туғулған.

Мәзкур кәнт секретариниң мухбиримизға баян қилишичә, даириләр бу йил башлиған һәр хил сиясий һәрикәтлири давамида пиланлиқ туғут сиясити тәдбирлирини қайтидин күчәйткән. Буниң нәтиҗисидә пиландин сирт туғулған балиларниң аилисидин йеқинқи икки һәптә ичидә 500 миң сомдин артуқ җәриманә йиғивалған.

Бу секретарниң баян қилишичә, мәзкур кәнтниң омуми нопуси 1400 әтрапида болуп, буниң ичидики 80 гә йеқин балиниң көпинчиси 2009- вә 2010-йиллардики пиланлиқ тәдбири омумйүзлүк бошиған мәзгилдә туғулған. Бу қетим җәриманә қоюлғанда дәсләпки 3 йилда туғулғанларға 2000 сомдин, 2015- вә 2016-йилларда туғулғанларға 15 миң сомдин җәриманә қоюлған.

2009-Йили үрүмчидә 5-июл вәқәси йүз бәргәндин кейин, уйғур районида арқа-арқидин қаршилиқ һәрикәтлири вә қанлиқ тоқунушлар йүз бәргән вә тоқунушта көп санда кишиләр өлгән. Муһаҗирәттики бәзи уйғур көзәткүчиләр, хитай даирилири бу йилларда муқимлиқ тәдбирлиригә мәркәзләшкәнлики үчүн, пиланлиқ туғут тәдбирлиригә күч йетиштүрәлмигәнликини пәрәз қилишмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт