Peyziwattiki bir kentte pilanliq tughut siyasiti boshluqida 80 che bala artuq tughulghan

Muxbirimiz shöhret hoshur
2017-05-17
Share

Melum bolushiche, xitayning Uyghur rayonidiki pilanliq tughut siyasiti tedbirliride 2009- we 2015-yilliri arisida bir'az yumshash bolghan. Bu pursette peyziwat nahiyisining barin yéza birinchi kentidinla 80 ge yéqin bala pilandin artuq tughulghan.

Mezkur kent sékrétarining muxbirimizgha bayan qilishiche, da'iriler bu yil bashlighan her xil siyasiy heriketliri dawamida pilanliq tughut siyasiti tedbirlirini qaytidin kücheytken. Buning netijiside pilandin sirt tughulghan balilarning a'ilisidin yéqinqi ikki hepte ichide 500 ming somdin artuq jerimane yighiwalghan.

Bu sékrétarning bayan qilishiche, mezkur kentning omumi nopusi 1400 etrapida bolup, buning ichidiki 80 ge yéqin balining köpinchisi 2009- we 2010-yillardiki pilanliq tedbiri omumyüzlük boshighan mezgilde tughulghan. Bu qétim jerimane qoyulghanda deslepki 3 yilda tughulghanlargha 2000 somdin, 2015- we 2016-yillarda tughulghanlargha 15 ming somdin jerimane qoyulghan.

2009-Yili ürümchide 5-iyul weqesi yüz bergendin kéyin, Uyghur rayonida arqa-arqidin qarshiliq heriketliri we qanliq toqunushlar yüz bergen we toqunushta köp sanda kishiler ölgen. Muhajirettiki bezi Uyghur közetküchiler, xitay da'iriliri bu yillarda muqimliq tedbirlirige merkezleshkenliki üchün, pilanliq tughut tedbirlirige küch yétishtürelmigenlikini perez qilishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet