Xitay hökümiti Uyghur élide pilanliq tughut xizmitini yene qattiq yolgha qoyidighanliqidin shepe berdi

Muxbirimiz jüme
2013-10-16
Élxet
Pikir
Share
Print

Xitay hökümiti Uyghur élidiki 6 milyon'gha yéqin aqqun xitayni muqim nopusqa alidighanliqini élan qilghan mezgilde, rayondiki pilanliq tughut xizmitining yene qattiq yolgha qoyulidighanliqidin shepe berdi.

"Shinjang géziti" ning charshenbe künidiki xewerige qarighanda, da'iriler bu yilliq pilanliq tughut xizmitide döletning "Righbetlendürüsh we mukapatlash siyasiti" ni omumlashturidighanliqini bildürdi.

Uyghur aptonom rayonluq pilanliq tughut komitéti bu heqte élan qilghan 9 türlük wedinamide pilanliq tughut xizmitini "Xelqqe payda yetküzüsh xizmiti" dep körsetti.

Wedinamide yéza-qishlaqlardiki pilanliq tughutqa qaritilghan tekshürüshning yene qanat yaydurulidighanliqi körsitilgen.

Xewerde mundaq déyilgen: 20 milyon yüen ajritip, jenubiy shinjangdiki 3 wilayet 24 nahiye-sheherde déhqan-charwichilarning köpiyish saghlamliqi türi toluq qanat yaydurulidu. Qaplash nisbiti 500ming ademge yetküzülidu.

Yerlik xitay hökümiti bu yilning béshida Uyghur élidiki 6 milyon köchme nopusning yerlikke élinidighanliqini bildürgen idi.

Xitay da'iriliri Uyghur elning jenubiy rayonlirida pilanliq tughut xizmitini ezeldin qattiq yolgha qoyup kelgen we xelq'araliq insaniy hoquq teshkilatlirining eyiblishige uchrighan.

Toluq bet