Da'iriler Uyghur élide pochta yollanmilirida kimlik tüzümi yolgha qoyulidighanliqini uqturdi

Muxbirimiz méhriban
2015-08-26
Share


25 - Awghust xitayning "Shinxu'a agéntliqi", "Shinjang xewerliri" qatarliq hökümet taratqulirida Uyghur aptonom rayoni da'iriside téz pochta yollanmilirida kimlikni xatirilesh tüzümi yolgha qoyulidighanliqi, alahide chong bolghan xatirilesh pa'aliyetliri mezgilliride Uyghur aptonom rayonidiki pochta yollanmiliri qattiq tekshürüshtin ötidighanliqi, shizang aptonom rayonining bezi rayonlirida pochta yollanmiliri toxtitilidighanliqi xewer qilindi.

"Shinjang xewerler" torining 25 - awghusttiki xewiride 8 - aydin bashlap"Uyghur aptonum rayoni da'irisi ichide téz pochta yollamilirida kimlikni xatirilesh tüzümi yolgha qoyulup, qattiq tekshürüshtin ötti" dégen tamgha bésilghandin kéyinla andin bu yollamining ewetilidighanliqi xewer qilindi.

Xewerde yene, yéqinda döletlik pochta idarisi,jama'et xewpsizlik ministirliki, dölet bixeterlik ministiri birlikte chiqarghan "Yapon'gha qarshi urushning 70 yilliqini xatirilesh qatarliq chong kölemlik pa'aliyetler mezgilidiki pochta yollanmiliri alahide tedbiri" ge asasen, 2015 - yili 10 - ayda ötküzülidighan Uyghur aptonum rayoni qurulghanliqining 60 yilliqi, tibet aptonom rayonining 50 yilliqini xatirilesh pa'aliyetliri mezgilidiki bixeterlikke kapaletlik qilish üchün, 9 - ayning 15 - künidin 10 - ayning 3 - künige qeder bolghan ariliqta pochtidin ewetilidighan herqandaq yollanmining 100% lik sh nuri bixeterlik tekshürüshidin öküzülidighanliqi tekitlen'gen.

Ürümchidin radi'omiz ziyaritini qobul qilghan ürümchi shünfing téz yollanma shirkitining mes'uli liyu ependining bildürüshiche, shizangning bezi rayonlirigha ewetilidighan téz yollanmilar toxtitilghan. Béyjing we tyenjin'ge yollinidighan yollanmilar alahide qattiq tekshürüshtin ötidiken. Béyjingda eng téz bolghanda 9 - ayning 5 - künigiche pochta yollanmilirini normal yollash eslige kélidiken. Emma bu yil 10 - ayda Uyghur aptonom rayoning 60 yilliqini tebriklesh pa'aliyiti ötküzilidighanliqi üchün, Uyghur aptonum rayonidiki pochta yollanmilirining normal haletke kélish waqti 10 - ayning axirigha qeder sozulushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet