Майк помпейо: "биз сөзләшкә башлимиғичә уйғурларниң тәқдири хәлқараниң күнтәртипигә кәлмигән"

2021-01-08
Share

Америка ташқи ишлар министири майк помпейо, 8-январ күни тиветтирда учур йоллап, уйғурларниң тәқдиригә көңүл бөлүшкә америка рәһбәрлик қилмиғучә дуняда һечкимниң рәһбәрлик қилмайдиғанлиқини билдүргән. Майк помпейо учурида, буниңға "әгәр биз рәһбәрлик қилмисақ, башқа һечким рәһбәрлик қилмайду. Хитайдики уйғур мусулманлириниң тәқдири америка сөзләшкә башлимиғичә хәлқараниң күнтәртипидә йоқ иди" дегән. Майк помпейо америка ташқи ишлар министири вәзиписини өтигән 2 йил җәрянида уйғур мәсилисигә әң актип көңүл бөлгән америка һөкүмәт әмәлдарлириниң бири болған.

У йеқинда ташқи ишлар министирлиқи әмәлдарлириға хитайниң уйғурларға "ирқий қирғинчилиқ" елип барған-бармиғанлиқини баһалаш тоғрисида йолйоруқ бәргән. Майк помпейо тиветтирдики учурида бүгүн кишилик һоқуқ дәпсәндичиликиниң әсирлик деғи хитайниң ғәрбийдә йүз бериватқанлиқи, хитай компартийәсиниң кишилик һоқуқ вәһшийликини җавабкарлиққа тартишниң йәршари сәпәрвәрлик һәрикитигә рәһбәрлик қилғанлиқи, компартийә әмәлдарлириға ембарго йүргүзүп, тәминат зәнҗиридики хәвп тоғрисида сода мәслиһәти бәргәнлики вә мәҗбурий әмгәк билән ясалған буюмларни чәклигәнликини ейтқан.

У йәнә хитай даирилирини хитайда наһәқ қамалған тутқунларни қоюп беришкә давамлиқ чақиридиғанлиқини билдүргән. Майк помпейониң тәкитлишичә, у хитайни бу йил йәнә америка ташқи ишлар министирлиқиниң диний әркинлики "алаһидә әндишә қозғайдиған дөләтләр" тизимликигә киргүзгән. Помпейо мундақ дәйду: "пакит шуки, дуня нопусиниң 80% диний чәклимә ичидә яшайду. Мән бу йил хитай, иран шуниңдәк негирийәни өз ичигә алған 9 дөләтни'алаһидә әндишә қозғайдиған дөләтләр‹дәп бекиттим".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт