Mayk pompéyo: "Biz sözleshke bashlimighiche Uyghurlarning teqdiri xelq'araning küntertipige kelmigen"

2021-01-08
Share

Amérika tashqi ishlar ministiri mayk pompéyo, 8-yanwar küni tiwéttirda uchur yollap, Uyghurlarning teqdirige köngül bölüshke amérika rehberlik qilmighuche dunyada héchkimning rehberlik qilmaydighanliqini bildürgen. Mayk pompéyo uchurida, buninggha "Eger biz rehberlik qilmisaq, bashqa héchkim rehberlik qilmaydu. Xitaydiki Uyghur musulmanlirining teqdiri amérika sözleshke bashlimighiche xelq'araning küntertipide yoq idi" dégen. Mayk pompéyo amérika tashqi ishlar ministiri wezipisini ötigen 2 yil jeryanida Uyghur mesilisige eng aktip köngül bölgen amérika hökümet emeldarlirining biri bolghan.

U yéqinda tashqi ishlar ministirliqi emeldarlirigha xitayning Uyghurlargha "Irqiy qirghinchiliq" élip barghan-barmighanliqini bahalash toghrisida yolyoruq bergen. Mayk pompéyo tiwéttirdiki uchurida bügün kishilik hoquq depsendichilikining esirlik déghi xitayning gherbiyde yüz bériwatqanliqi, xitay kompartiyesining kishilik hoquq wehshiylikini jawabkarliqqa tartishning yershari seperwerlik herikitige rehberlik qilghanliqi, kompartiye emeldarlirigha émbargo yürgüzüp, teminat zenjiridiki xewp toghrisida soda mesliheti bergenliki we mejburiy emgek bilen yasalghan buyumlarni chekligenlikini éytqan.

U yene xitay da'irilirini xitayda naheq qamalghan tutqunlarni qoyup bérishke dawamliq chaqiridighanliqini bildürgen. Mayk pompéyoning tekitlishiche, u xitayni bu yil yene amérika tashqi ishlar ministirliqining diniy erkinliki "Alahide endishe qozghaydighan döletler" tizimlikige kirgüzgen. Pompéyo mundaq deydu: "Pakit shuki, dunya nopusining 80% diniy cheklime ichide yashaydu. Men bu yil xitay, iran shuningdek négiriyeni öz ichige alghan 9 döletni'alahide endishe qozghaydighan döletler'dep békittim".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet