Mayk pompéyo erkin asiya radiyosi Uyghur bölümining xizmitige yuqiri baha berdi

Muxbirimiz erkin
2021-01-11
Share
Mayk pompéyo erkin asiya radiyosi Uyghur bölümining xizmitige yuqiri baha berdi Amérika tashqi ishlar ministiri mayk pompéyo taratqulargha söz qildi. 2020-Yili 24-noyabir, washin'gton.
REUTERS

Amérika tashqi ishlar ministiri mayk pompéyo 11-yanwar küni erkin asiya radiyosi Uyghur bölümining xizmitige intayin yuqiri baha berdi. U, erkin asiya radiyosi Uyghur bölümining xizmiti jasaret telep qilidu, dep körsetti.

Pompéyo bu sözlerni tramp hökümitining tashqi siyasiti, "Amérika awazi" radiyosining wezipisi, uning xitay, iran'gha oxshash diktatur döletlerdiki xelqlerning awazini namayan qilish jehettiki roli toghrisida "Amérika awazi" radiyosida sözligen nutuqida tilgha aldi.

U mundaq dédi: "Men bu yerdiki bashqa radiyolarghimu hörmitimni bildürimen. Dunyadiki Uyghur tilida bérilidighan birdin-bir anglitish erkin asiya radiyosining qarmiqida tarqitilidu. Siler anglashni xalaydighan barliq kishilerge xitay kompartiyesining shinjangda öz puqralirigha qarshi sadir qiliwatqan wehshiliklirini anglattinglar. Elwette bu heqiqetni, bu esirning yüzige chüshken daghni anglashni xalimaydighanlarmu boldi. Xitay kompartiyesi erkin asiya radiyosining az dégende 6 neper muxbirining a'ile tawabi'atlirini shinjangdiki lagérlargha qamap tehdit salghan we tehdit sélishni dawamlashturup kelgen bolsimu, biraq siler öz xizmitinglarni dawamlashturup keldinglar. Xizmitinglar jasaret telep qilidu."

Pompéyo erkin asiya radiyosi Uyghur bölümining xizmitini mu'eyenleshturush bilen bir waqitta "Amérika awazi" radiyosining xitay qatarliq döletlerdin xizmetchilerni köplep qobul qilghanliqi, bir mezgil özining wezipisini untup, xewerlirining amérikaning kemchilliklirigila merkezliship qalghanliqini ilgiri surup: "Silerning wezipenglar dunyada démokratiye, erkinlik we amérika qimmet qarishini algha sürüshtur," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet