Майк помпейо: "уйғур аяллири ‹һөрлүк'кә еришкини йоқ!"

Мухбиримиз әзиз
2021-01-12
Share

Хитай һөкүмитиниң америкадики баш әлчиханиси уйғур аяллирини лагерға қамаш арқилиқ уларниң "идийәсини азад" қилип, уларни өзигә ишинидиған вә мустәқил идийәгә игә қилип қойғанлиқи һәққидики тиветтер учурини йоллиғандин кейин пүтүн дуня миқясида кәскин әйибләшкә дуч кәлди.

12-январ күни америка ташқи ишлар министири майк помпейо өзиниң тиветтер бетидә буниңға рәддийә берип "мәҗбурий һамилә чүшүрүш һәмдә мәҗбурий туғмас қиливетиш тәдбирлири уйғур аяллирини һөрлүккә чиқарғини йоқ!" деди. Мәзкур учур чапланғандин кейин буниңға аваз қошуп хитай һөкүмитини әйиблигән мәзмундики инкаслар ямғурдәк йеғип кәтти.

Майк помпейониң бу сөзлири униң бир күн бурун хитай һөкүмитини уйғурлар мәсилиси түпәйлидин қаттиқ әйиблишидин кейин оттуриға чиққан йәнә бир күчлүк тәнқид болди. У бу қетим бирләшкән дөләтләр тәшкилати (б д т) қармиқидики "б д т нопус фонди" ға бериливатқан мәбләғни кесип ташлиғанлиқини билдүрүш билән биргә буниң сәвәби һәққидә чүшәнчә бәргән иди. У сөзидә буниңдики бир муһим сәвәб қатарида мәзкур фонд тәшкилатиниң хитай компартийәси мәҗбурий йосунда иҗра қиливатқан пиланлиқ туғут сияситини йеқиндин қоллап кәлгәнликини тәкитләп "биз хитай компартийәсиниң җаллатлири билән шериклишип уйғур аяллирини мәҗбурий туғмас қиливетишкә хизмәт қиливатқан бундақ тәшкилатни қоллимаймиз. Уларниң қилмиши һәқиқәтәнму адәмни сәскәндүриду" дегәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт