Mayk pompéyo: “Uyghur ayalliri ‛hörlük‚ke érishkini yoq!”

Muxbirimiz eziz
2021.01.12

Xitay hökümitining amérikadiki bash elchixanisi Uyghur ayallirini lagérgha qamash arqiliq ularning “Idiyesini azad” qilip, ularni özige ishinidighan we musteqil idiyege ige qilip qoyghanliqi heqqidiki tiwéttér uchurini yollighandin kéyin pütün dunya miqyasida keskin eyibleshke duch keldi.

12-Yanwar küni amérika tashqi ishlar ministiri mayk pompéyo özining tiwéttér bétide buninggha reddiye bérip “Mejburiy hamile chüshürüsh hemde mejburiy tughmas qiliwétish tedbirliri Uyghur ayallirini hörlükke chiqarghini yoq!” dédi. Mezkur uchur chaplan'ghandin kéyin buninggha awaz qoshup xitay hökümitini eyibligen mezmundiki inkaslar yamghurdek yéghip ketti.

Mayk pompéyoning bu sözliri uning bir kün burun xitay hökümitini Uyghurlar mesilisi tüpeylidin qattiq eyiblishidin kéyin otturigha chiqqan yene bir küchlük tenqid boldi. U bu qétim birleshken döletler teshkilati (b d t) qarmiqidiki “B d t nopus fondi” gha bériliwatqan mebleghni késip tashlighanliqini bildürüsh bilen birge buning sewebi heqqide chüshenche bergen idi. U sözide buningdiki bir muhim seweb qatarida mezkur fond teshkilatining xitay kompartiyesi mejburiy yosunda ijra qiliwatqan pilanliq tughut siyasitini yéqindin qollap kelgenlikini tekitlep “Biz xitay kompartiyesining jallatliri bilen shérikliship Uyghur ayallirini mejburiy tughmas qiliwétishke xizmet qiliwatqan bundaq teshkilatni qollimaymiz. Ularning qilmishi heqiqetenmu ademni seskendüridu” dégenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.