Mayk pompéyo bilen yang jyéchi hawaydiki uchriship, Uyghur, xongkong, teywen qatarliq mesililerni sözleshken

Muxbirimiz erkin
2020-06-18
Share

Amérika tashqi ishlar ministiri mayk pompéyo bilen xitayning tashqi ishlargha mes'ul siyasiy byuro ezasi yang jyéchi 17-iyun küni amérikaning tinch okyandiki haway shtatida uchrashqan.

Melum bolushiche, ikki terep söhbiti Uyghur, xongkong, teywen qatarliq mesililerge chétilghan. Yighinda terepler yuqiriqi mesililerdiki meydanini tekitlep, halqiliq mesililerde ortaq pikir hasil qilalmighan. Bu ikki terep tashqi ishlar mes'ullirining ötken yili 8-aydin béri tunji qétim uchrishishidur.

Amérika tashqi ishlar ministirliqining bildürüshiche, söhbet haway waqti etigen sa'et 9:00 da bashlinip, chüshtin kéyin sa'et 3:50 giche dawam qilghan. Söhbette pompéyo ikki terepning "Soda, bixeterlik, diplomatiye jehetlerde öz-ara menpe'et yetküzüdighan kélishim hasil qilishi", xitayning buningdin kéyin yüz béridighan korona wirusi yuqumlirida ochuq-ashkara bolushi kéreklikini tekitligen. Xitay tashqi ishlar ministirliqining bildürüshiche, yang jyéchi xitayning "Amérika-xitay munasiwetliridiki pozitsiyesi shundaqla teywen, xongkong, shinjang qatarliq nazuk mesililerdiki meydani" ni ipadiligen.

U "Shinjang mesilisi" de xitayning siyasitini aqlap, izchil tekitlep kéliwatqan sözlirini tekrarlighan. Yang jyéchi "Xitay hökümitining shinjangda qanun boyiche térrorluq we esebiylikke qarshi turush tedbirlirini qollinip, shinjangning bixeterlik weziyitide zor burulush yasighanliqi", "Amérikaning 'Uyghur kishilik hoquq siyasiti qanun lahiyesi' ni imzalishigha qattiq narazi" ikenlikini tekitligen. Lékin yang jyéchi pompéyo bilen söhbet ötküzüwatqan mezgilde prézidént tramp qanun lahiyesige imza qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet