Sabiq tashqi ishlar ministiri mayk pompéyo: xitay kompartiyesining 100 yilliqi qetli'am we irqiy qirghinchiliq bilen tolghan

Muxbirimiz irade
2021-07-02
Share

Amérikaning sabiq tashqi ishlar ministiri mayk pompéyo 1-iyul küni tiwittir uchurida xitay kompartiyesining 100 yilliqini bahalap uni qetliyam we irqiy qirghinchiliq bilen tolghan bir esir, dep süpetlidi.

U mundaq dégen: "Xitay kompartiyesining 100 yilliqi zor kölemlik qetli'amlar we irqiy qirghinchiliq bilen tolghan bir esirdur. Héchqandaq bir siyasiy partiye xitay kompartiyesidek jiq ademning jénigha zamin bolup baqqan emes."

Xitay kompartiyesi 1-iyul küni özining qurulushining 100 yilliqini béyjingda zor daghdugha bilen kütüwalghanidi. Xitay dölet re'isi shi jinping shu kündiki nutqida "Biz ezeldin bashqilarni bozek qilmighan, zulum qilmighan we qul qilmighan" dep sözligen.

Amérika diniy erkinlik komitétining mu'awin re'isi nuriy türkelmu shi jinpingning sözige inkas qayturup: "Natsistlar dewridin béri körülüp baqmighan eng chong jaza lagérlirini yolgha qoyghan we shundaqla Uyghurlarni zawutlarda we qurashturush liniyeliride qul qiliwatqan shi jinpingning bundaq yalghan sözlishi tolimu külkilik" dégen. U yene mundaq dégen:

"Xitay kommunistik partiyesi Uyghurlarning uzun tarixqa ige qedimiy din we medeniyet en'enisige qarshi zor tehdit peyda qildi. U Uyghurlarning diniy we medeniyet kimlikini özige sadaqetsizlik we yoshurun tehditning alamiti, dep qaraydu. Xitay kompartiyesi dinni yeni Uyghurlarning musulman bolushini irqiy qirghinchiliqning bahanisi süpitide qollan'ghan. Erkin démokratik döletler kishilik hoquq we qanun asasidiki xelq'ara tertipni qoghdash üchün, xitay kompartiyesining dölet ichidiki basturush herikiti we chet'eldiki tajawuzchiliq heriketlirige qarshi turushi kérek."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet