Pompéyo: “Xitay kompartiyesining herikiti dunyagha tehdit élip kelmekte”

Muxbirimiz erkin
2020.07.17

Amérika tashqi ishlar ministiri mayk pompéyo xitay kompartiyesining dunyagha tehdit élip kélidighan usulda heriket qiliwatqanliqi, amérikaning buninggha yol qoymaydighanliqini bildürgen. Uning tekitlishiche, xitay ilgiri jenubiy déngiz, xongkong, yershari hawa kilimati kélishimi qatarliq mesililerde nurghun wedilerni bergen bolsimu, lékin uning héchqaysisigha emel qilmighan. Pompéyo bu sözlerni 16-iyul amérikadiki The Hill, yeni “Töpilik” namliq gézitning ziyaritini qobul qilghanda tekitligen.

U sözide, “Xitay bash sékrétari shi jinping 2015-yili (aqsarayning) baghchisida jenubiy déngizni herbileshtürmeydighanliqigha wede bergen. Lékin u jenubiy déngizni herbiyleshtürdi. Ular xitay bilen en'gliye otturisidiki xelq'arada étirap qilin'ghan xongkong toghrisidiki ‛bir dölette ikki xil tüzüm‚ni 50 yilghiche özgertmeslik kélishimige hazir pütünley xilapliq qildi. Ular parizh hawa kilimati kélishimige asasen wedilirini ijra qilishqa yéqinmu kélip qoymidi” dégen

Uning tekitlishiche, “Xitay kompartiyesi dunyagha heqiqiy tehdit élip kélidighan usulda heriket qilmaqtiken”. U, amérikaning dölet bixeterlikige kapaletlik qilidighanliqi shundaqla xitay kompartiyesi özining bu herikitini özgertmise uni bedel tölitidighanliqini ilgiri sürgen. Pompéyoning tekitlishiche, amérika xitayning jenubiy déngizni özining qiliwélishigha yol qoymaydiken. Amérika yéqinda jenubiy déngizgha özining ikki awi'amatka guruppisini ewetip, xitay igilik hoquq telep qiliwatqan bu déngizda herbiy manéwir bashlighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.