Xitay tashqi ishlar ministirliqi mayk pompéyoni "Shinjang" da ziyarette bolushqa teklip qildi

Muxbirimiz erkin
2020-07-17
Élxet
Pikir
Share
Print

Xitay tashqi ishlar ministirliqi 16-iyul amérika tashqi ishlar ministiri mayk pompéyoni "Shinjangda ziyarette bolush" qa teklip qilghan. Xitay tashqi ishlar ministirliqi bayanatchisi xu'a chünyingning tekitlishiche, mayk pompéyo "Shinjangni ziyaret qilip", Uyghurlarning kishilik hoquqi depsende qilinmaywatqanliqini özi közi bilen körüp béqishi kérek iken. Xu'a chünying bu sözlerni 16-iyul tashqi ishlar ministirliqining axbarat yighinida tekitligen.

Amérika hökümiti magnitiskiy qanunini ishlitip, xitayning chén chüen'go qatarliq 4 emeldarigha émbargo yürgüzgen. Mayk pompéyo imbargoning buning bilen cheklinip qalmaydighanliqi bildürgenidi. Xitay hökümiti yéqinqi 3-4 yil ichide 3 milyondek Uyghur we bashqa millet kishilirining lagérlargha qamilip, minglighan kishining ghayib bolghanliqi, yüz minglighan kishining karxanilarda mejburi emgekke séliniwatqanliqi, nurghun a'ililerning weyran bolup, perzentlirining yétimxana we yataqliq mekteplerde yatquzulghanliqi, Uyghurlarning tughushini kontrol qilip, nopusining shiddetlik aziyishini keltürüp chiqarghanliqini ret qilip kelgenidi.

Xu'a chünying, xitay hökümitining yuqiriqi qilmishi xelq'arada "Irqiy qirghinchiliq" dep eyiblinip, amérika hökümitining buninggha derhal éniqlima bérishi telep qiliniwatqan mezgilde mayk pompéyoni Uyghur diyarida ziyarette bolushqa teklip qilghan. Xu'a chünyingning tekitlishiche, mayk pompéyo "Shinjang" ni ziyaret qilsa, uning Uyghurlardin dost tépishighimu yardem qilidiken. Xitay hökümiti ilgirimu b d t ning kishilik hoquq aliy komissari mishél bashiléytni Uyghur diyarida ziyarette bolushqa teklip qilghan, lékin uninggha shert qoyghanidi.

Toluq bet