Майк помпейо: «америка үчүн бирдинбир зор тәһдит хитай компартийәси»

Мухбиримиз ирадә
2020-08-27
Елхәт
Пикир
Share
Принт

Америка хитай компартийәсиниң америка вә дуня үчүн әң зор тәһдитликини һәр пурсәттә тәкитлимәктә. Америка ташқи ишлар министирлиқи 26-авғуст күни тивиттир арқилиқ ташқи ишлар министири майк помпейониң хитай һәққидики сөзини һәмбәһирлигән.

Униңда: «америкаға нисбәтән бирдинбир зор тәһдит хитай компартийәсидин ибарәт. Президентимиз доналд трамп дуняниң һәр қайси җайлирида көрүлгән ғайәт зор инсан чиқими вә тирилйон долларлиқ иқтисадий зиян үчүн уларни җавабкарлиққа тартишни нишан қиливатиду» дәп йезилған.

Америка һөкүмити изчил һалда хитай һөкүмити әң дәсләптә вирусқа аит учурни қамал қилип дуняға дәрһал агаһландуруш бәрмигәчкә вирус пүтүн дуняға ямрап, милйонлиған инсанниң һаяти вә иқтисадиға зор зиянларни әп кәлгәнликини тәнқид қилип кәлмәктә.

Америка ташқи ишлар министири майк помпейо бир қанчә күн алдида америка җумһурийәтчиләр партийәсиниң қурултийида хитайдин тарқалған таҗсиман вирусни «хитай вируси» дәп атиған вә «дуняға зор зиян салған хитай компартийәси адаләт алдиға чиқирилғучә тохтап қалмаймиз» дәп тәкитлигән. У шундақла президент трампниң хитай компартийәсиниң американиң дөләт бихәтәрлики, иқтисади вә инсанларниң һөрлүкигә зор тәһдит икәнликини көрүп йәткәнликини тилға елип униң бу җәһәттә қиливатқан хизмәтлиригә юқири баһа бәргән иди.

Пикирләр (0)
Share
Толуқ бәт