Mayk pompéyo: "Amérika üchün birdinbir zor tehdit xitay kompartiyesi"

Muxbirimiz irade
2020-08-27
Share

Amérika xitay kompartiyesining amérika we dunya üchün eng zor tehditlikini her pursette tekitlimekte. Amérika tashqi ishlar ministirliqi 26-awghust küni tiwittir arqiliq tashqi ishlar ministiri mayk pompéyoning xitay heqqidiki sözini hembehirligen.

Uningda: "Amérikagha nisbeten birdinbir zor tehdit xitay kompartiyesidin ibaret. Prézidéntimiz donald tramp dunyaning her qaysi jaylirida körülgen ghayet zor insan chiqimi we tirilyon dollarliq iqtisadiy ziyan üchün ularni jawabkarliqqa tartishni nishan qiliwatidu" dep yézilghan.

Amérika hökümiti izchil halda xitay hökümiti eng deslepte wirusqa a'it uchurni qamal qilip dunyagha derhal agahlandurush bermigechke wirus pütün dunyagha yamrap, milyonlighan insanning hayati we iqtisadigha zor ziyanlarni ep kelgenlikini tenqid qilip kelmekte.

Amérika tashqi ishlar ministiri mayk pompéyo bir qanche kün aldida amérika jumhuriyetchiler partiyesining qurultiyida xitaydin tarqalghan tajsiman wirusni "Xitay wirusi" dep atighan we "Dunyagha zor ziyan salghan xitay kompartiyesi adalet aldigha chiqirilghuche toxtap qalmaymiz" dep tekitligen. U shundaqla prézidént trampning xitay kompartiyesining amérikaning dölet bixeterliki, iqtisadi we insanlarning hörlükige zor tehdit ikenlikini körüp yetkenlikini tilgha élip uning bu jehette qiliwatqan xizmetlirige yuqiri baha bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet