Майк помпейо уйғур елидики зулумни қандақ аташ мәсилисидә музакирә болуватқанлиқини ейтқан

Мухбиримиз ирадә
2020-09-24
Share

Америка ташқи ишлар министири майк помпейо американиң хитай һөкүмити уйғурларға қиливатқан зулумни немә дәп аташ мәсилисидә җиддий ойлишиватқанлиқини билдүргән.

Ройтерс агентлиқиниң хәвәр қилишичә, 23-сентәбир күни майк помпейо мухбирларниң "вашингтон хитай һөкүмитиниң уйғур райондики мусулманларға тутқан вәһший муамилисигә ениқ бир исим қоямду-йоқ?" дегән соалиға мундақ җаваб бәргән: "биз бу зулумни тәсвирләш үчүн қандақ бир аталғу ишлитишни, уни қандақ аташни ойлишиватимиз. Америка ‹инсанийәткә қарши җинайәт' яки ‹ирқий қирғинчилиқ' дегән сөзләрни ишләткәндә. . . Биз интайин тәмкин болушимиз вә ениқ болушимиз керәк, чүнки бу аталғуларниң ғайәт зор салмиқи бар."

Хитай һөкүмитиниң уйғурларға қаратқан бастуруш һәрикәтлириниң салмиқи вә көлимигә аит тәпсилатлар ашкариланғансери бу зулумни "ирқий қирғинчилиқ" дәп аташ чақириқлири күнсайин күчәймәктә. Йәниму көп кишилик һоқуқ органлири хитай һөкүмитиниң уйғурларға қарита ирқий қирғинчилиқ йүргүзүватқанлиқини тәкитләп, америка һөкүмити вә башқа демократик һөкүмәтләрни бу һәқтә ениқ позитсийә билдүрүшкә чақирмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт