Mayk pompéyo: "Chet'el hökümetlirining aqillar merkizige tesir körsitishini chekleymiz!"

Muxbirimiz eziz
2020-10-13
Share

Amérika tashqi ishlar ministiri mayk pompyo 13-öktebir küni qilghan sözide amérika tupriqidiki aqillar merkezlirige chet'el hökümetlirining iqtisadiy yardem bérish hemde shu arqiliq öz tesirini singdürüsh heriketlirige chek qoyidighanliqini bildürdi. "Döletlik baha" gézitining 12-öktebirdiki sanigha bésilghan xewerde éytilishiche, mayk pompéyo bu mesilining alliqachan éghir bir sewiyige bérip qalghanliqini bildürgen.

Xewerde éytilishiche, mayk pompéyo bu heqtiki yazma bayanatida "Tashqi ishlar ministirliqimiz bilen alaqide bolushni istigen herqandaq aqillar merkizi özlirige chet'el hökümetliridin i'ane qilin'ghan mebleghning tepsilatini öz tor betliride élan qilishi lazim" dégen.

Melum bolushiche, bir qisim chet'el hökümetliri amérikadiki aqillar merkizining iqtisadiy jehettiki qiyinchiliqlirigha "Merdlerche" yardem bérish bedilige bu merkezler arqiliq amérika jama'iti arisida özlirining tesirini kéngeytishke urunmaqtiken. Türkiye hökümitining iqtisadiy yardimige érishken "Atlantik kéngishi" aqillar merkizi bu yil awghust éyidiki bir qétimliq ammiwi muhakime yighinida erdoghan hökümitining buyruqi boyiche bezi mutexessislerning muhakime yighinida söz qilish hoquqini bikar qiliwetken.

Xewerde éytilishiche, chet'el hökümetlirining bu xildiki "Iqtisadiy yardem" arqiliq amérika tupriqidiki aqillar merkizini öz zuwanigha aylandurush urunushi pikir erkinlikini boghqanliqqa barawer bolup, xitay we rusiye hökümetlirining mushuninggha oxshap kétidighan pa'aliyetliri yéqindin buyan köpiyip mangmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet