Майк помпейо: «биз бирлишип барчә мәсилиләрни һәл қилимиз!»

Мухбиримиз әзиз
2020-11-10
Share

Америка ташқи ишлар министири майк помпейо 10-ноябир күни «хитай компартийәсидин тартип ирандики террорчи һакимийәткичә болған барлиқ саһәдин келиватқан һәрқандақ хирисни йеңәләймиз. Бу һөр адәмләр қилидиған ишлардур» дәп көрсәтти. У бу сөзләрни роналд реган институтиниң әркинлик вә демократийә мәркизидики нутқида алаһидә тәкитлиди.

У сөзидә сабиқ америка президенти роналд реганниң «дунядики һечқандақ бир дөләт әркинлик һәққидә бизчилик пикир йүргүзгән әмәс» дегән сөзини нәқил елиш арқилиқ америка хәлқиниң әркинликкә болған тәлпүнүшиниң бәкму чоңқур йилтизға игә икәнликини йәнә бир қетим әскәртти. Шуниңдәк америка һөкүмитиниң улар дуч кәлгән һәрқандақ хирис вә тәһдитләрни бәрбат қилалайдиғанлиқини, җүмлидин нөвәттә дуч келиватқан түрлүк-түмән мүшкүлат вә қийинчилиқларниму йеңип кетәләйдиғанлиқини тәкитлиди. У бу һәқтә сөз қилип «шуниси ениқки, бизниң йеңишимиз, уларниң мәғлуп болуши муқәррәрдур» дәп көрсәтти.

Майк помпейо сөзидә америка вә дуня җамаитигә хитаб қилип «биз бирләшсәкла биз һәрқандақ мәсилини һәл қилип кетәләймиз» дегәнни йәнә бир қетим тәкрарлиди. Шуниң билән биргә америка һөкүмити нөвәттә иҗра қиливатқан ташқи ишлар сияситиниң парлақ из қалдуруп кетишигә болған ишәнчини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт