Mayk pompéyo bilen NATO bash katipi xalifeks xewpsizlik muhakime munbiride xitay heqqide pikir bayan qildi

Muxbirimiz jewlan
2020-11-23
Share

"Amérika awazi" torining 22-noyabir xewer qilishiche, amérika tashqi ishlar ministiri mayk pompéyo we shimaliy atlantik ehdi teshkilatining bash katipi jéns stolnbérg xalifeks xelq'ara xewpsizlik muhakime yighinida xitayning qara niyiti, istratégiyesi we dunyaning uninggha qandaq taqabil turushi mesilisi heqqide pikir bayan qilghan.

Mayk pompéyoning xitay kommunist hakimiyitining tehditige qarshi meydani yenila mustehkem bolup, bu yighinda mundaq dégen: "Kommunist xitay hökümiti dunyaning her qaysi jayliridiki démokratik eller qedirleydighan tüzülme, asas we qimmet qarashlirigha ghayet zor xewp élip keldi."

Yighinda mayk pompéyoning xitaygha qarshi küchlük pozitsiyesige sélishturghanda, jéns stolinbérgning pozitsiyesi yumshaqraq bolghan. U mundaq dégen: "Xitay düshmen emes, xitayning qed kötürüshi shimaliy atlantik ehdi teshkilatini muhim orun'gha kötüridu. Eng muhimi, yawropadiki döletler ittipaqlishishi kérek."

Xalifeks xelq'ara xewpsizlik muhakime munbiri her yili kanadada ötküzülüp kéliwatqan xelq'ara bixeterlik muhakime yighini bolup, uninggha yuqiri derijilik siyasiyonlar, diplomatlar, herbiy emeldarlar we ularni hémaye qilghuchilar qatnishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet