Mayk pompéyo: "Xitayning Uyghurlargha qiliwatqanliri 21-esirning yüzige chüshken dagh!"

Muxbirimiz eziz
2019-07-18
Élxet
Pikir
Share
Print

Amérika tashqi ishlar ministiri mayk pompéyo 18-iyul küni xitay hökümitining Uyghurlarni basturush siyasetlirini qattiq eyiblidi hemde "Zamanimizdiki kishilik hoquq depsendichilikide xitay eng aldinqi orunda turidu. Xitay hökümitining Uyghurlargha qiliwatqanliri biz yashawatqan 21-esirning yüzige chüshken bir dagh" dep körsetti.

Roytérs agéntliqining 18-iyuldiki xewiride éytilishiche, mayk pompyéo washin'gton shehiride échilghan "Diniy étiqad erkinlikini algha sürüsh xelq'ara yighini" mezgilide xitay hökümitining bu yighin'gha teklip qilin'ghan bir qisim döletlerni yighin'gha barmasliqqa qistighanliqini eyiblep, yuqiriqi sözni qilghan.

Xewerde mayk pompéyoning bu sözi amérika prézidénti donald tramp diniy étiqad erkinliki jehette ziyankeshlikke uchrighan bir qisim dölet we rayonlardiki xelqlerning wekilliri bilen 17-iyul küni aq sarayda körüshkendin kéyin otturigha chiqqanliqi, aq sarayning nöwette Uyghurlar diyaridiki siyasiy basturushqa mes'ul bir qisim xitay emeldarlirigha jaza qollinishni oylishiwatqanliqi alahide tekitlinidu.

Toluq bet