Mayk pompéyo Uyghurlar mesiliside kökrek kérip otturigha chiqqan mes'ut özilni alqishlidi

Muxbirimiz eziz
2019-12-17
Share

Gérmaniyediki türkiye muhajiri a'iliside tughulghan shundaqla dunyagha dangliq putbol cholpini mes'ut özilning Uyghurlar duch kéliwatqan zulum heqqide xitayni hemde islam dunyasini qattiq eyiblishi xelq'arada zor bes-munazirige seweb boldi.

Mes'utning sherqiy türkistan bayriqi bilen birlikte chiqarghan keskin tenqid ibarisi xitay hökümitinimu qattiq bi'aram qilghan. Bolupmu mes'utning xitaydiki minglighan putbol heweskarliri derhalla uni keskin eyiblep, "Térrorchilargha hésdashliq qiliwatidu" dégen. Mesutning xitaydiki töt milyondin köprek mestanisi derhalla u top tépiwatqan "Arsénal" komandisining barliq musabiqilirini xitayda men'i qilish heqqide chaqiriqlarni otturigha qoyghan. Xitay hökümitimu bayanat élan qilip, uni "Dunyawi jihad qozghashqa qutratquluq qiliwatidu," dep eyibligen.

Ene shundaq bir weziyette amérika tashqi ishlar ministirliqining ministiri mayk pompéyo 17-dékabir küni özining tiwéttér bétide uchur yollap mes'ut özilni hemde uning heqqaniyetni qollash jasaritini qollaydighanliqini bildürgen. U  bu heqtiki uchurida "Xitay kompartiyesi öz teshwiqat wasitiliride mes'ut özil hemde 'arsénal' komandisining namlirini 'qara tizimlik' ke kirgüzüp qoyalishi mumkin. Emma ular heqiqetni yépishqa ilajsiz," dédi. Shuningdek xitay hökümitining bu xil ashkara shekil alghan hemde Uyghurlarni nishan qilghan basturush herikitini herqanche qilipmu dunyadin yoshurup qalalmaydighanliqini alahide tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet