Поп франсис уйғурлар һәққидә сөз қилишқа чақирилди

Мухбиримиз әзиз
2020-10-20
Елхәт
Пикир
Share
Принт

Католик дини дунясиниң мәниви даһиси поп франсис йеқинда хитай һөкүмитиниң диний етиқад саһәсидики дәпсәндичилик қилмишлири, җүмлидин уйғурларни диний етиқади сәвәблик лагбрларға қамаш мәсилиси һәққидә хитайға бесим ишлитишкә чақирилди.

«Бломерг хәвәрлири» гезитиниң 20-өктәбирдики хәвиридә ейтилишичә, америка авам палатасиниң тод яң қатарлиқ бир қисим әзалири попқа бирләшмә мәктуп йоллап, хитай һөкүмитиниң нөвәттики диний етиқадни бастуруш қилмишлирини әйибләшкә дәвәт қилған. Бирләшмә мәктупта «биз поп һәзрәтлирини дунядики әң чоң етиқад муәссәсәсиниң даһиси сүпитидә уйғурларниң әң әқәлли кишилик һәқлирини қоғдашқа һәссә қошушқа чақиримиз» дейилиду.

Мәлум болушичә, бу мәктупниң йоллиниши хитайдики католик епископини йеңидин тәйинләш мунасивити билән поп франсис вә хитай һөкүмити җиддий сөһбәттә болуватқан вақитқа тоғра кәлгән. Техи буниңдин бир ай илгири америка ташқи ишлар министири майк помпейо бу һәқтә сөз қилип «ватикандики улуғ поп һәзрәтлири хитайдики диний етиқад мәсилисидә өз мәсулийитини унтуп қалмаслиқи лазим» дегәниди.

Пикирләр (0)
Share
Толуқ бәт