Pop kristofér wayt kanada birleshme chérkawini Uyghurlar uchrighan "Irqiy qirghinchiliq" qa süküt qilmasliqqa chiqirghan

Muxbirimiz erkin
2021-05-07
Share

Kanadaning ontari'o ölkisidiki "Kédron birleshme chérkawi" ning popi kristofér wayt kanadaning "Brodwiyu" torida maqale élan qilip, kanadadiki xiristiyan dini jama'iti-birleshme chérkawini Uyghurlar uchrighan "Irqiy qirghinchiliq" qa süküt qilmasliqqa chaqirghan. Kristofér wayt kanada birleshme chérkawining jenubi afriqadiki irqiy ayrimichiliqqa qarshi turush, pelestin we koriye mesililiridiki pa'aliyiti bilen tonushliq bolsimu, biraq uning Uyghurlargha awaz chiqarmighanliqini tenqid qilghan.

Pop kristofér waytning "Uyghurlar xitayning gherbiy-shimalida étnik tazilashqa uchrawatidu, biz némishqa köp ish qilip bérelmeymiz" mawzuliq maqaliside, kanada parlaméntining xitayning Uyghurlargha "Irqiy qirghinchiliq" qilghanliqini étirap qilghanliqi, biraq meyli b d t bolsun yaki nurghun xelq'ara diniy teshkilatlar bolsun, buni "Irqiy qirghinchiliq" dep atimighanliqini eyibligen.

U "Kanada imamlar kéngishi", "Binay bérs" qa oxshash bashqa diniy guruppilar bu mesilide jesurliq körsetken bolsimu, biraq kanada birleshme chérkawining eger ular sözlise, ularning xitay we xongkongdiki diniy murtlirigha yoshurun xewp yétidu, dep endishe qilidighanlilqni bildürgen.

Kristofér waytning éytishiche, Uyghurlarning chaqiriqigha qulaq sélish we uninggha ‍inkas bildürüsh "Noqul ‍irqiy qirghinchiliq mesilisi emes, belki yer sharidiki ‍jtima'iy toplarning kélechiki, qanun bilen bashqurush, söz erkinliki we diniy erkinlikke munasiwetlik," ‍iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet