Xitay hökümiti töhpe yaratqan puqrawi jasuslirigha 100 ming yüendin artuq mukapat bermekchi bolghan

Muxbirimiz jewlan
2022.06.08
Share on WhatsApp
Share on WhatsApp

Xitay hökümiti “Chet el jasusliri” we “Xitayning dölet bixeterlikige tehdit salghuchilar” gha a'it uchurlarni teminligüchilerge 100 ming yüendin artuq mukapat we teqdirname bermekchi bolghan.

“Muhapizetchi” torining 8-iyun bergen xewiride éytilishiche, xitay hökümiti yéqindin béri pütün xelqni “Chet elning ziyandash küchliri” ge qarshi seperwerlikke keltürgen bolup, xitayning bixeterliki we menpe'etini qoghdashqa ilham bergen. Xitay dölet xewpsizliki ministirlikining bu hepte bildürgen bayanatida “Hazir chet el istixbarat orunliri we bashqa her xil düshmen küchler xitaygha singip kirish hujumini kücheytti؛ bu heriketler xitayning dölet amanliqigha éghir tehdit salmaqta,” dégen sözler orun alghan.

“Muhapizetchi” torining xewiride körsitilishiche, xitay hökümiti jasuslarni mukapatlashta ular teminlgen uchurning qimmitige we yéngi uchur bolushigha qaraydiken. Shundaqla bu uchurlarning saxta bolup qélish, hetta xitaygha ziyan yetküzüsh éhtimalining aldini alidiken.

Xewerde tehlil qilinishiche, xitayning dölet xewpsizliki orunliri uzundin béri puqrawi ishpiyonlirini mukapatlash usulni qollinip kelgen bolsimu, buni ochuq-ashkara bildürmey kelgen. Bu qétim xitay dölet xewpsizliki minsitirlikining bundaq tedbir qollinishi we uni ashkara élan qilishi, xitayning xelq'ara munasiwetlirining yamanlashqanliqi we köpligen döletler bilen düshmenleshkenlikining alamiti iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.