Putin ezerbeyjan - erméniye ziddiyitini hel qilishqa kirishti

Muxbirimiz ümidwar
2014-08-10
Élxet
Pikir
Share
Print

Rusiye prézidénti wladimir putin 9 - awghust küni kawkaziyede uzundin buyan bir - birini reqip hésablap kéliwatqan ikki memliket ezerbeyjan jumhuriyiti prézidénti ilham aliyéf, erminiye prézidénti sérji sarkisiyan bilen ayrim - ayrim körüshüp, ikki jumhuriyet arisida talash - tartish üstide turiwatqan taghliq qara bagh mesilisini muhakime qilghan.

Amérika birleshme agéntliqining xewer qilishiche, 10 - awghust küni rusiye - ezerbeyjan we ermeniyedin ibaret üch terep söhbiti ötküzülüshi plan qilin'ghan.

Taghliq qarabagh, yaki nagorniy qarabagh eslide ezerbeyjan'gha tewe ermenler köp sanliqni teshkil qilghan bir aptonom oblast bolup, 1989 - yili, taghliq qarabagh ziddiyiti küchiyishke bashlighan idi. 1991 - Yili, ezerbeyjan musteqil bolghanda, uning tewelikidiki taghliq qarabagh aptonom oblastidiki ermenler musteqilliq jakarlap, taghliq qarabagh jumhuriyitini qurghan, buning bilen urush partlap, taghliq qarabgh jumhuriyitini erminiye qollighan.

1991 - 1994 - Yilliri arisidiki urushta köp adem ölgen idi. Taghliq qara bagh jumhuriyiti dunyadiki héchqaysi dölet teripidin étrap qilinmighan bolup, peqer rusiyening yardimide gruzyedin musteqil bolghan jenubiy ossétiye we abxaziye teripidinla étirap qilin'ghan idi.

Taghliq qarabagh toqunushini hel qilish üchün amérika we bashqa yawropa döletliri, türkiye ariliship kelgen bolsimu, biraq rusiye terep aktip pozitsiye tutmighan.

Ukra'ina krizisi tüpeylidin gherb bilen rusiyening ziddiyiti otkürlishiwatqan peytte putinning ezerbeyjan we erminiye arisida taghliq qarabagh mesilisi boyiche meydan'gha chiqishi diqqet qozghidi.

Toluq bet