2-Nöwetlik dunya Uyghur yashliri putbol musabiqisi 6-ayda türkiyede ötküzülidu

Muxbirimiz shöhret hoshur
2014-02-10
Share

Dunya Uyghur yashliri putbol musabiqisining ikkinchi nöwetliki bu yil 6-ayda türkiyening qeysiri shehiride ötküzülidu.

Dunya Uyghur qurultiyi torbétide élan qilin'ghan bu heqtiki uqturushta bayan qilinishiche, qurultay mes'ulliri ötken yili 11-ayda washin'gtonda bu heqte mexsus bir yighin achqan we orunlashturush élip barghan.

Mezkur musabiqe ötken yili wén'giriyede ötküzülmekchi bolghanda xitay hökümiti wén'giriye hökümitige telep sunup we musabiqige mes'ul bolghan qurultay mu'awin re'isi ümid agahi ependini térrorluq bilen eyiblep, musabiqining wén'giriyede ötküzülüshining aldini tosqan idi؛ emma weqe metbu'atlarda keng-kölemde xewer qilinip, xitayning Uyghurlargha qarita yürgüzüwatqan basturush siyasiti dunyagha yene bir qétim ashkarilan'ghan idi.

Melum bolushiche, bu musabiqining tunji qétimliqi 2011-yili gollandiyede ötküzülgen؛ musabiqige norwégiye, gérmaniye, amérika qatarliq 7 dölettiki Uyghur jama'itidin komandilar qatnashqan. Ay-yultuzluq kök bayraq yeni sherqi türkistan bayriqi bilen oralghan putbol meydani musabiqini neq meydan we ékrandin körgen Uyghur tamashibinlarni hayajan'gha salghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet