2021-Yilliq “Amérika Uyghur longqisi” putbol musabiqisi axirqi tallash basquchigha kirdi

Muxbirimiz eziz
2021-09-06
Share

Amérikadiki Uyghur jama'itining 2015-yilidin buyan dawam qiliwatqan “Amérika Uyghur longqisi” putbol musabiqisi birnechche künlük jiddiy élishishtin kéyin 6-séntebir küni axirqi hel qilghuch musabiqe basquchigha kirdi.

2-Séntebir bashlan'ghan 6-nöwetlik musabiqining échilish murasimidin kéyin “Uyghur birleshmisi”, “Mariyland Uyghur komandisi”, “Boston Uyghur komandisi”, “Izchilar komandisi”, “San-fransisko Uyghur komandisi” qatarliq alte komanda jiddiy musabiqini bashliwetken idi. Birnechche künlük musabiqe arqiliq axirqi hel qilghuch musabiqe basquchi yéqinlap keldi. Bolupmu ötken ikki yilda tajsiman wirusi tüpeylidin ammiwi yighilish pa'aliyetliri zor cheklimige uchrighanliqtin mezkur musabiqimu toxtitip qoyulghan idi. Shu sewebtinmu nöwettiki weziyetning yol qoyghan da'iriside ötküzülgen bu musabiqe amérika we bashqa jaylardin kelgen Uyghur jama'itining qizghin alqishigha érishti.

Amérikadiki “Uyghur birleshmisi” komandisining meshqawuli jür'et zahirning bildürishiche, gerche bir qisim komanda ezaliri kütülmigen sewebler tüpeylidin musabiqige kélelmigen bolsimu, emma bu qétimqi musabiqe yenila nahayiti yuquri keypiyatta dawam qilghan hemde ghelibilik halda axirqi hel qilghuch basquchigha kirgen. Kaliforniye shitatidin kelgen “San fransisko Uyghur komandisi” we yéngidin qurulghan “Izchilar komandisi” musabiqe keyiyatigha yéngi mezmun qoshqan.

Amérika Uyghur jama'itining yillardin buyan bu musabiqini her jehettin qizghin we izchil qollap kelgenlikidin bekmu minnetdar ikenlikini bildürgen jür'et zahir: “Bu musabiqe yalghuz putbol tépishla emes, téximu muhimi Uyghur yashliri we Uyghur jama'itining birlik, ömlük we öz'ara chüshinishini algha sürüsh sorunimu bolup kelmekte,” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet