Путин һөкүмәткә тәвә әмәс тәшкилат һәрикитини чәкләшкә киришти

Мухбиримиз үмидвар
2015-05-25
Share


Русийә президенти владимир путин шәнбә күни һөкүмәткә тәвә әмәс хәлқаралиқ вә чәтәл тәшкилатларниң русийә туприқида паалийәт қилишини чәкләш һәққидики қанунға имза қойди.

Русийәниң мәзкур қануни бойичә алғанда, "русийиниң асасий қанун түзүми, дөләт мудапиәси вә бихәтәрликигә тәһдит пәйда қилиши" мумкин болған, русийә қарши алмайдиған чәтәл вә яки хәлқаралиқ һөкүмәткә тәвә әмәс тәшкилатларниң һәрикитигә чәк қоюлидикән.

Қанунда мундақ орунларниң әдлийә министирликидә тизимлитилиши, әгәрдә буни бузуш көрүлсә, мундақ тәшкилатлар хизмәтлиричилиригә җәриманә вә 6 йилғичә түрмә җазаси берилиши көрситилгән.

Бу қанун әслидә 15 - май күни русийә дөләт думаси тәрипидин тәстиқтин өткүзүлгән иди.

Б б с ниң хәвәр қилишичә, бу мунасивәт билән хәлқара кәчүрүм тәшкилати русийәни тәнқид қилип мәзкур қанунниң русийәдики пуқралиқ җәмийәт һаятиға сәлбий тәсир көрситидиғанлиқини билдүрди.

Кишилик һоқуқни көзитиш тәшкилати бу қанун мунасивити билән русийәдики чәтәл пуқралирила әмәс, бәлки русийә пуқралириниңму зәрбигә учрайдиғанлиқини тәкитлиди.

Америка дөләт ишлири министирлики баянатчисиму бу мәсилидә тәнқидий позитсийәсини билдүрди.

Мулазһичиләр бу қанунниң русийәдики сиясий өктичиликни бастуруш ролини ойниши мумкинликини билдүрүшмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт