Putin hökümetke tewe emes teshkilat herikitini chekleshke kirishti

Rusiye prézidénti wladimir putin shenbe küni hökümetke tewe emes xelq'araliq we chet'el teshkilatlarning rusiye tupriqida pa'aliyet qilishini cheklesh heqqidiki qanun'gha imza qoydi.

Rusiyening mezkur qanuni boyiche alghanda, “Rusiyining asasiy qanun tüzümi, dölet mudapi'esi we bixeterlikige tehdit peyda qilishi” mumkin bolghan, rusiye qarshi almaydighan chet'el we yaki xelq'araliq hökümetke tewe emes teshkilatlarning herikitige chek qoyulidiken.

Qanunda mundaq orunlarning edliye ministirlikide tizimlitilishi, egerde buni buzush körülse, mundaq teshkilatlar xizmetlirichilirige jerimane we 6 yilghiche türme jazasi bérilishi körsitilgen.

Bu qanun eslide 15 - may küni rusiye dölet dumasi teripidin testiqtin ötküzülgen idi.

B b s ning xewer qilishiche, bu munasiwet bilen xelq'ara kechürüm teshkilati rusiyeni tenqid qilip mezkur qanunning rusiyediki puqraliq jem'iyet hayatigha selbiy tesir körsitidighanliqini bildürdi.

Kishilik hoquqni közitish teshkilati bu qanun munasiwiti bilen rusiyediki chet'el puqralirila emes, belki rusiye puqraliriningmu zerbige uchraydighanliqini tekitlidi.

Amérika dölet ishliri ministirliki bayanatchisimu bu mesilide tenqidiy pozitsiyesini bildürdi.

Mulazhichiler bu qanunning rusiyediki siyasiy öktichilikni basturush rolini oynishi mumkinlikini bildürüshmekte.