Rusiye prézidénti wladimir putin ottura asiyada ziyarette boldi

Muxbirimiz ümidwar
2017-03-01
Share

Rusiye prézidénti wladimir putin27-28-féwral künliri ottura asiyadiki tajikistan we qirghizistanda ziyarette boldi.

Ottura asiya uchur torining xewer qilishiche, putin öz sepirining tunji békiti süpitide 27-féwral küni Uyghur diyari bilen qoshna tajikistan jumhuriyitining paytexti düshenbini tallighan bolup, bu seperde ikki dölet arisida 6 xil kélishim tüzülgen. Ikki dölet hemkarliqini kücheytish da'irisige herbiy, soda-iqtisadiy, su éléktr istansiliri qurulushi we atom énérgiyesi hem bashqilar kirgen.

Perghane uchur torining yézishiche, putin 28-féwral küni qirghizistan paytexti bishkekni ziyaret qilghan bolup, uning prézidént almasbék atanbayéf bilen bolghan uchrishishida ikki dölet arisida ikki kélishim imzalan'ghan.
Ikki prézidént herbiy we herbiy téxnika sahesidiki hemkarliqni aktip kücheytishke pütüshken bolup, rusiye herbiy bazisining qirghizistanda mewjut bolup turushining, merkizi asiyaning muqimliqi üchün muhim amil ikenliki we rusiye herbiy bazisining dawamliq türde qirghizistanda bolushi mu'eyyenleshtürülgen.

Putin qirghizistan'gha iqtisadiy jehettin yardem béridighanliqini we soda iqtisadiy hemkarliqlarni kücheytidighanliqinimu tekitligen, atanbayéf bolsa qirghizistanning yawro -asiya iqtisadi ittipaqigha eza bolushining iqtisadiy jehettin zor paydiliq bolghanliqini bildürgen.

Analizchilarning qarishiche, qirghizistan, tajikistan we qazaqistan qatarliq Uyghur diyari bilen uzun chégra liniyisige ige ottura asiya döletlirining xitayning "Bir yol, bir belwagh" hemkarliq programmisi astida xitay bilen soda-iqtisadiy alaqilirini téximu kücheytishi rusiyeningmu bu rayondiki öz siyasiy, soda-iqtisadi tesirini téximu mustehkemlishige türtke bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet