Путин русийәниң йетим қалмайдиғанлиқини тәкитлиди

Мухбиримиз үмидвар
2014-11-23
Share


Б б с агентлиқиниң 23 - ноябир күни хәвәр қилишичә русийә президенти владимир путин русийәниң тасс агентлиқиниң зияритини қобул қилғанда ғәрбни тәнқид қилип, төмүр пәрдиниң күчини чүшинидиғанлиқи, әмма русийәниң һәргизму дунядин айрип ташлиниш йолиға маңмайдиғанлиқини тәкитлигән.

Америка авазиниң хәвәр қилишичә, униңдин илгири, шәнбә күни русийә ташқи ишлар министири сергей лавров ғәрб дөләтлириниң украина мәсилисидә русийәгә қарита имбарго қоюш арқилиқ русийә һакимийитидә өзгәртиш елип бармақчи болғанлиқини тәнқид қилған.

Лавров ғәрб дөләтлирини әйибләп, имбарго қоюш арқилиқ русийә иқтисадини вәйран қилиш вә хәлқниң қаршилиқини қозғимақчи дәп көрсәткән иди.

Путин болса русийәниң рәңлик инқилабтин мудапиә көридиғанлиқини тәкитлигән иди.

Путин сөзидә йәнә русийәгә қаритилған, йәни путинниң "достлири"ға қаритилған имбарголар мәсилисидә соралған соалға җаваб берип, "бу кишилик һоқуқни қопаллиқ билән бузуш" дәп көрсәткән.

Русийә қиримни қошувалғандин кейин ғәрб дөләтлири буниңға қаттиқ қарши турған шуниңдәк йәнә шәрқий украинадиму қирим киризисиниң тәкрарланмаслиқини тәләп қилған иди. Ғәрб йәнә русийәдин украинағқ қарита бесимни тохтитишни вә бөлгүнчиләрни қоллимаслиқни тәләп қилған. Әмма русийә бу мәсилидә ғәрб билән изчил зитлишип кәлмәктә иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт