Putin rusiyening yétim qalmaydighanliqini tekitlidi

Muxbirimiz ümidwar
2014-11-23
Share


B b s agéntliqining 23 - noyabir küni xewer qilishiche rusiye prézidénti wladimir putin rusiyening tass agéntliqining ziyaritini qobul qilghanda gherbni tenqid qilip, tömür perdining küchini chüshinidighanliqi, emma rusiyening hergizmu dunyadin ayrip tashlinish yoligha mangmaydighanliqini tekitligen.

Amérika awazining xewer qilishiche, uningdin ilgiri, shenbe küni rusiye tashqi ishlar ministiri sérgéy lawrow gherb döletlirining ukra'ina mesiliside rusiyege qarita imbargo qoyush arqiliq rusiye hakimiyitide özgertish élip barmaqchi bolghanliqini tenqid qilghan.

Lawrow gherb döletlirini eyiblep, imbargo qoyush arqiliq rusiye iqtisadini weyran qilish we xelqning qarshiliqini qozghimaqchi dep körsetken idi.

Putin bolsa rusiyening renglik inqilabtin mudapi'e köridighanliqini tekitligen idi.

Putin sözide yene rusiyege qaritilghan, yeni putinning "Dostliri"gha qaritilghan imbargolar mesiliside soralghan so'algha jawab bérip, "Bu kishilik hoquqni qopalliq bilen buzush" dep körsetken.

Rusiye qirimni qoshuwalghandin kéyin gherb döletliri buninggha qattiq qarshi turghan shuningdek yene sherqiy ukra'inadimu qirim kirizisining tekrarlanmasliqini telep qilghan idi. Gherb yene rusiyedin ukra'inaghq qarita bésimni toxtitishni we bölgünchilerni qollimasliqni telep qilghan. Emma rusiye bu mesilide gherb bilen izchil zitliship kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet