Putin bilen shi jinping tajikistanda uchrashti

Muxbirimiz irade
2014.09.11


Rusiye prizidénti wiladimir putin bilen xitay dölet re'isi shi jinping bügün tajikistanda bir arigha kelgen. Ikki terep shangxey hemkarliq teshkilatigha eza döletlerning aliy rehberliri yighinigha qatnishish üchün tajikistan paytexti düshenbige yétip kelgen idi. Bu shi jinping texitke olturghandin buyan ikkiylenning 9 - qétim körüshüshi hésablinidiken.

Putin bilen shi jinping uchrishishta asasliq rusiye - xitay arisidiki yéngi tebi'iy gaz turubisi üstide sözleshken. Putin “Sibiriye qudriti” namliq bu tebi'iy gaz turubisining her ikki terepning énirgiye mesilisini hel qilidighanliqini bildürgen we bu turuba yolining baldurraq ishqa kirishishini ümid qilghan.

Shangxey hemkarliq teshkilatining yighini 12 - sintebir küni bashlinidu. Roytérsning xewer qilishiche, rusiye bu yighinda, eza döletler ara hemkarliqni kücheytish we ukra'ina krizisini ünümlük hel qilish we gherb döletlirining bésimidin qutulushning charilirini izdeydiken. Bezi gherb axbaratliri mezkur yighinni “Rusiyining ittipaqdashliri arqiliq gherbke taqabil turush yighini” dep atighan. Bu yighin shundaqla xitay hökümiti Uyghur élida muqimliq yaritishta qattiq riqabetke duch kelgen mezgilde échildi.

Közetküchiler, shi jinpingning eza döletlerge, xitayning Uyghur rayonidiki atalmish térrorluqqa qarshi urushini qollash heqqidiki teleplirinimu otturigha qoyidighanliqini mölcherlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.