Uyghur aptonom rayonidiki 11 mingdin artuq kent we ahaliler rayonida qanun ishxanisi qurulghan

Muxbirimiz erkin
2020-04-10
Élxet
Pikir
Share
Print

2019-Yili Uyghur aptonom rayonidiki 11 ming 577 kent we ijtima'iy rayonda qanun mulazimet ishxanisi qurulup, asasiy qatlamlargha qarita edliye jehettiki kontrolluq kücheytilgen.

Shinjang géziti "Ning ilgiri sürüshiche," ammiwi qanun mulazimet ishxanisi "Namidiki bu xil edliye tarmaqliri pütkül rayonni qaplap, her bir kent, her bir ijtima'iy rayonda bir qanun meslihetchisi bolush telipige asasen rayondiki 12 ming 43 kent we ijtima'iy rayonda qanun meslihetchisi bolushni ishqa ashurghan. Lékin yerlik taratqularda bu xil" ammiwi qanun mulazimiti ishxaniliri "Ning konkrét xizmiti we funksiyesining néme ikenliki tilgha élinmighan.

Yerlik da'iriler buning aldida rayondiki yéza-bazarlarda" féngchaw tipi "Diki yerlik sotxanilarning qurulup, dewa-desturlarning öz jayida hel qilinidighanliqi, normal sot mehkimilirige kélishining aldi élinidighanliqini bildürgen. Da'iriler 2019-yili bu xil sotxanilarning 83 ming dewa-desturni bir terep qilip, uning 99. 4 Pirsentining hel qilin'ghanliqini ilgiri sürgen. Lékin közetküchiler, da'irilerning bu arqiliq yerlik xelqning dewa-destur ishlirida normal sot sistémisidin paydilinishining aldini élip, nurghun erz-shikayetlerni jayida tosup qoyuwatqanliqini bildürgen idi.

Lékin," shinjang géziti "Ning qeyt qilishiche," ammiwi qanun mulazimiti asasiy qatlamlardiki ijtima'iy bashqurushqa kapalet qilish rolini toluq jari qildurmaqtiken ". Da'iriler yene kent, ijtima'iy rayonlardiki bu xil edliye kontrolluqini ijtima'iy alaqe wasitiliri arqiliqmu ishqa ashurghan. Xewerde qeyt qilinishiche, da'iriler" 12348 shinjang qanun tori "Namliq tor supisi qurghan. Mezkur tor supisining téléfon yumtali ündidar qatarliq ijtima'iy alaqe wasitiliride mulazimet qilidiken.

Toluq bet