Awam palata ezasi smisning Uyghurlar mesilisige alahide elchi teyinlesh qanun tüzitish layihesi maqullandi

Amérika awam palata ezasi krsitofér simisning xitayning Uyghur élidiki irqiy qirghinchiliqigha qarita amérikaning alahide elchi teyi'inlesh qanun tüzitish layihesi 1-iyul awam palatasining tashqiy ishlar komitétida mutleq köp sanliq awaz bilen maqullan'ghan. Mezkur qanun tüzitish layihesi “Amérikaning yer sharidiki rehberlik ornigha kapaletlik qilish we maslishish qanun layihesi” ge kirgüzülgen. Kristofér simis mezkur qanun tüzitish layihesini yuqiriqi qanun bügün tashqiy ishlar komitétida awazgha qoyulushning bir kün aldida otturigha qoyghan idi.

Kristofér simisning 1-‍iyul élan qilghan bu heqtiki bayanatida: “Xitay hökümitining irqiy qirghinchiliqi we uning bashqa wehshiy kishilik hoquq depsendichiliklirini jawabkarliqqa tartishni meqset qilghan qanun tüzitish layihesi, tashqiy ishlar ministirining shinjang ölkisige mes'ul elchi teyinlep, rayondiki éghir kishilik hoquq depsendichikige, bolupmu Uyghur musulmanlirigha qarshi depsendichilikke inkas qayturushni telep qilidu,” déyilgen.

Kristofér simis mezkurqanun tüzitish layihesining “Xitay kompartiyisi teripidin shinjang ölkisidiki Uyghur we bashqa musulman az sanliq milletlerge qarita élip bériwatqan irqiy qirghinchiliqini qoshumche tekshürüsh jiddiy tirishchanliqigha körünerlik hem ijabiy tesir körsitidighanliqi” ni bildürgen.

Melum bolushiche, alahide elchining wezipisi amérika hökümitining diplomatik, siyasiy, iqtisadiy, bixeterlik pa'aliyetlirini maslashturup, Uyghur we bashqa musulmanlarning xitay hökümiti teripidin keng kölemlik tutqun qilinishi, nazaret qilinishi, saqchilarning teqiplishige uchrishi, xitay kompartiyesining shinjangda yürgüzgen siyasitini “Térorluq, radiki'alliqqa qarshi turush” dep bahane qilishini bir terep qilishqa yardemlishish iken.