Xitay da'iriliri torda "Qanunsiz uchur tarqitish" jinayitidin 10 déloni élan qildi

Muxbirimiz qutlan
2017-07-03
Élxet
Pikir
Share
Print

Yéqinda xitay da'iriliri Uyghur élidiki ahalilerning eqliyfon, xatire kompyutéri, ayped we bashqa éléktronluq alaqe üskünilirini özliri turushluq rayondiki saqchixanilargha élip bérip tekshürüshtin ötküzüshni telep qilghan idi.

Halbuki, aridin bir hepte ötmeyla Uyghur aptonom rayonluq intérnét-uchur ishxanisi "Qanunsiz uchur tarqatqan" 10 déloni élan qilip, ahalilerni qattiq agahlandurghan.

Xewerde déyilishiche, mezkur 10 délo intérnéttin paydilinip térrorluq, zorawanliq, diniy esebiylik we milliy bölgünchilikke da'ir "Qanunsiz uchur" larni tarqatqan kishilerning délosi iken.

Mezkur 10 déloning ichide 4 neper Uyghur gumandar "Térrorluq we diniy esebiylik" ke da'ir uchur tarqatqanliqi, 4 neper xitay gumandar "Ösek söz tarqitip qutratquluq qilghanliqi" 1 neper mongghul gumandar torda "Milliy öchmenlik" ni terghib qilghanliqi, 1 neper qazaq gumandar ündidarda hökümetning teshwiqatigha qarshi söz qilghanliqi üchün tutulghan iken.

Xewerde yuqiriqi 10 délo alahide pesh qilinip, tordin paydilinip "Qanunsiz uchur" tarqitishqa urun'ghanlarning qattiq jazalinidighanliqi agahlandurulghan.

Közetküchiler, nöwette Uyghur diyaridiki tor qamilining adettin tashqiri kücheytilgenlikini, ündidar topigha chet'ellerdin qoshulghan ezalarning birdek öchürülüwatqanliqini ilgiri sürmekte.

Toluq bet