Xitay da'iriliri "Qanunsiz uchur tarqatqan" dégen seweb bilen 12 ademni jazagha tartqan

Muxbirimiz erkin
2018-10-01
Élxet
Pikir
Share
Print

Uyghur aptonom rayonluq uchur ishxanisi bilen jama'et xewpsizlik nazariti "Qanunsiz uchur tarqatqan" dégen seweb bilen jazagha tartilghan 10 tipik déloni élan qilip, délogha chétishliq 12 kishining tutqun qilin'ghanliqini bildürdi.

"Tengri tagh tori" ning xewer qilishiche, tutqun qilin'ghan bu 12 kishi ürümchi, aqsu, xoten, bortala, ghulja qatarliq jaylardin bolup, tutqunlarning 6 nepiri Uyghur, bir nepiri qazaq, ikki nepiri tunggan, biri dongshang, ikkisi xitay iken.

Bu, xitay da'irilirining yéqinqi waqitlardin béri "Bixeterlik", "Térrorluq", "Tor bixeterliki", "Uchur we amanliq bashqurush" qanun -nizamlirigha xilapliq qilish bilen tutqun qilinip, qanuni jawabkarliqqa tartilghanliqini élan qilghan 17‏-türkümdiki tipik 10 délodur.

"Tengritagh tori" ning xewiride bu kishilerning milliti tilgha élin'ghan bolsimu, lékin sadir qilghan atalmish konkrét "Qilmishi" we ismi tilgha élinmighan. Mezkur hökümet torining xewiride ilgiri sürülüshiche, ular bu yil 8‏- we 9 ‏-ay ichide tutqun qilin'ghan bolup, tutqunlarning eng chongi 40 yashta, eng kichiki 20 yashta iken.

Xewerde, bu kishilerning tor qatarliq ijtima'iy alaqe supilirida "Zorawan, térrorluq, diniy ashqunluq, milliy bölgünchilik, ighwa we saxta mezmundiki xet, sin we resim qatarliq mezmunlarni terghib qilghan, saqlighan we tarqatqanliqi" ni ilgiri sürülgen.

Xitay hökümiti yuqiriqi tipik 10 déloni bir milyondek Uyghur qanuni resmiyetsiz tutqun qilip lagérlargha qamighan, ulargha lagérlarda kolléktip qamaq jazasi bériwatqan we shundaqla bir türküm tutqunlarning ichkiridiki türmilerge yötkiliwatqanliqi ilgiri sürülüwatqan mezgilde élan qilghan. Xitayning herikiti chet'eldiki Uyghurlarning keng kölemlik naraziliqini qozghap, xelq'arada qattiq tenqidke uchrap keldi.


"Tengri tagh tori" ning xewiride qeyt qilinishiche, yuqiri tutqunlardin 4 Uyghur, ikki tunggan, bir dongshang we bir qazaq jinayi jawabkarliqqa tartilghan. Qalghan 2 xitay bilen 2 Uyghurgha memuriy tutup turush jazasi bérilgen.

Toluq bet