Qaramayda 4 kishi "Térrorluq teshkilatigha qatnishish" jinayiti bilen qolgha élin'ghan

Muxbirimiz irade
2014-05-29
Élxet
Pikir
Share
Print

Bügün xitaydiki qanunchiliq gézitining xewer qilishiche, qaramay da'iriliri 29-may küni 4 kishini "Térrorluq teshkilatigha qatnishish", "Bashqilarning chégradin qanunsiz ötüshini teshkillesh" qatarliq jinayetler bilen eyiblep resmiy qolgha alghan.

Xewerde bu kishilerning ismi, milliti tilgha élinmighan bolsimu, emma közetküchiler, ulargha békitilgen jinayet türige asasen ularning Uyghur bolush éhtimalliqining yuqiriliqini bildürmekte.

Bu xitay hökümiti 22-may ürümchidiki weqedin kéyin qozghighan keng kölemlik tutqun qilish herikiti dawamida qolgha élin'ghanliqi ashkarilan'ghan yene bir türküm kishiler hésablinidu. Da'iriler aldinqi künlerde oxshash jinayetler bilen ayrim-ayrim halda 220 din artuq kishini tutqun qilghan we seyshenbe küni ghuljida 55 kishige höküm élan qilghan idi.

Qanunchiliq gézitide éytilishiche, 25-may küni xitay jama'et xewpsizlik da'iriliri térrorluqqa qattiq zerbe bérish herikiti qozghighandin buyan, Uyghur élidiki jümlidin qaramaydiki jama'et xewpsizlik organliri we sot mehkimiliri öz ‏-ara hemkarliship, aldi bilen térrorluq, zorawanliq we diniy radikalliqqa da'ir délolarni derhal qobul qilish, derhal bir terep qilip, derhal sotlashni yolgha qoyghan.

Halbuki, kishilik hoquq organliri etigenlik bazar hujumidin kéyin derhal bayanat bérip, xitay hökümitini bu weqeni Uyghurlarni tutqun qilidighan bahanige aylanduruwalmasliq heqqide agahlandurghan idi.

Toluq bet